დღე მეცხრე

მნიშვნელოვანი იყო ჩემთვის ეს დღეც. მიმოვიხილეთ თითოეული მსმენელის სასწავლო პროექტის გეგმის საბოლოო ვერსია, შევაჯამეთ მოდულის სრული კურსი. თანამედროვე პედაგოგს ნამდვილად სჭირდება პროფესიული ზრდა. მიმაჩნია, რომ ეს ტრენინგები სწორედ ამ ზრდის ხელშეწყობაა. ტრენინგმა მნიშვნელოვნად გააღრმავა ჩემი ცოდნა, რაც სამომავლოდ დამეხმარება სასწავლო პროცესის უკეთ წარმართვაში. მადლობა გვანცას ტრენინგის საინტერესოდ და შინაარსიანად წარმართვისათვის.

დღე მერვე

საინტერესო და ნაყოფიერი გამოდგაა დღევანდელი დღეც. სასწავლო პროექტის გეგმის  ბოლო დეტალების განხილვის დროს დავიმსახურე შექება და აპლოდისმენტები, რამაც ძალიან გამახარა.მივხვდი, რომ ამ ტრენინგებზე მივიღე ის ცოდნა-გამოცდილება, რომელიც მაძლევს იმ შესაძლებლობებს, მოსწავლეებთან ერთად გავაკეთო კარგი პროექტი. შემდეგ  ვიმსჯელეთ ფასილიტაციის შესახებ, რაც  თვითრეგულირებად სწავლებას უწყობს ხელს.გავიაზრე თუ როგორ დავეხმარო მოსწავლეებს სასწავლო პროცესის გასაუმჯობესებლად. 

დღე მეშვიდე

მეტად პროდუქტიული იყო დღევანდელი დღე. წარმოვადგინეთ ჩვენი პრეზენტაციები, განვიხილეთ შეფასების რუბრიკები. გავუზიარეთ ერთმანეთს შეხედულებები, მივეცით რჩევები. მგონი კარგი გამოვიდა ჩემი ნამუშევარი, რომელიც წარმოვადგინე ჯგუფის წევრების წინაშე.დავრწმუნდი, რომ პრეზენტაცია შეესაბამება სტანდარტის მოთხოვნებს. შემდეგ გავიხსენე გარდნერის მრავალმხრივი ინტელექტის თეორია და ბლუმის მატრიცა. აუცილებლად გავითვალისწინებ  პროექტი მოვარგო სხვადასხვა ნიჭისა და შესაძლებლობების  მქონე მოსწავლეებს. მიღებული ცოდნა გამომადგება სასწავლო პროცესის მიმდინარეობისას.

დღე მეექვსე

 ძალიან ნაყოფიერი იყო დღევანდელი დღე. გავეცანით მოსწავლის სასწავლო ნიმუშების შექმნის წესს. დავგეგმეთ მოსწავლის მიერ შესასრულებელი დავალება, რომელმაც დამაფიქრა და კიდევ ერთხელ დამარწმუნა იმაში, რომ ძალზე მნიშვნელოვანია მასწავლებელმა ყოველთვის გაითვალისწინოს მოსწავლის ინტერესები, შესაძლებლობები და ასევე ის, რომ  ამ დავალების შესრულება მოსწავლეს განუვითარებს კვლევის, ძიების,შემოქმედებითობის, თანამშრომლობის უნარებს. გავაცნობიერე, ისიც  თუ  მოსწავლის პროექტის შეფასება რამდენად ზუსტად და მორგებულად უნდა მოვახდინო.

დღე მეხუთე

ჩემთვის ძალიან ნაყოფიერი გამოდგა დღევანდელი დღე. გავეცანი საინტერესო საკითხებს, კერძოდ: მესამე მოდულს "კავშირები",  სტანდარტებისა და მიზნების რუბრიკას, გავიაზრე თუ რამდენად მნიშვნელოვანია პროექტებით სწავლება მოსწავლეების მოტივაციისა და ცნობიერების ამაღლებისათვის, რომ ძალზე ხელსაყრელია ინტერნეტით თანამშრომლობა, სწრაფი შეტყობინებებისა და იდეების გაცვლა-გამოცვლის ხელშესაწყობად, რომ მნიშვნელოვანია საავტორო უფლებების დაცვა.

დღე მეოთხე

მეოთხე დღე დავიწყეთ ჩვენი საშინაო დავალებების მიმოხილვით, კიდევ ერთხელ მოგვცა ტრენერმა  კომპეტენტური რჩევა-რეკომენდაციები, თუ როგორ  გაგვემიჯნა ერთმანეთისაგან თემატური და შინაარსობრივი კითხვები, შემდეგ განვიხილეთ შეფასების 5 მიზანი და შეფასების სქემა. გავიგე, რომ პროექტის დაგეგმვის შემდეგ საჭიროა შეფასების მეთოდების გამოყენება, გავიაზრე შეფასების ინსტრუმენტების სათანადოდ ჩასმა. ტრენინგზე მიღებულ ცოდნას გამოვიყენებ მუშაობაში, რაც მრავალფეროვანსა და საინტერესოს გახდის ჩემს პედაგოგიურ საქმიანობას.

დღე მესამე

დღევანდელი დღე ჩემთვის კიდევ უფრო საინტერესო და მნიშვნელოვანი იყო იმ გაგებით, რომ გავერკვიე სასწავლო პროექტის აგების პრინციპში. გავეცანით როგორ დავსვათ ზოგადი, თემატური და შინაარსობრივი კითხვები პროექტის მოსამზადებლად. მოხიბლული ვარ ტრენერის მიერ საკითხების სიღრმისეული და კომპეტენტურად გაშუქების გამო. აქ მიღებულ ცოდნას აუცილებლად გამოვიყენებ პროექტზე მუშაობის პროცესში.

დღე მეორე

დღე მეორე

 დღეს ერთმანეთს გავუზიარეთ მოსაზრებები სავარაუდო  განსახორციელებელი პროექტების შესახებ, აგრეთვე ვიმსჯელეთ თუ როგორ შევქმნათ სასწავლო პროცესში გამოსაყენებელი რესურსები, შევქმენით ახალი ბლოგი ჩვენი ახალი პროექტისათვის. როგორც ვიცით,  პროექტებისა თუ სხვა ახალი ინოვაციებით სწავლებისას დიდი მნიშვნელობა ენიჭება ინფორმაციულ- საკომუნიკაციო ტექნოლოგიების გამოყენებას, რასაც დღითიდღე ვხვეწთ ტრენერის საინტერესო და შთამბეჭდავად გადმოცემის შედეგად. დღეს გავეცანით გაზეთების, პუბლიკაციების, ბუკლეტების შექმნას, რასაც აუცილებლად გამოვიყენებ სასწავლო პროცესში.

დღე პირველი

დღევანდელი ჩვენი ტრენინგ-მოდული ძალიან საინტერესო და შინაარსიანი იყო, ამიტომ დიდი ინტერესითა და გულისყურით მოვისმინე და პრაქტიკულადაც ბევრი რამის გაკეთება შევძელი. გავეცანი 21-ე საუკუნის ფაილს,  ვისწავლე პორტფოლიოსა და ბლოგის შექმნა, რაც აუცილებლად გამომადგება მუშაობაში. ასევე საინტერესო იყო სასწავლო პროექტის განხილვა.პროექტით სწავლება მოსწავლეებისათვის არის სიახლე, რაც მათთვის  საინტერესოსა და მრავალფეროვანს გახდის მასალას. მოსწავლე პრობლემის გადაჭრის გზების ძიებისას ძალიან ბევრ მასალას მოძებნის და შეისწავლის. პრობლემის გადაჭრისას კი მას ანალიტიკური და შემოქმედებითი უნარები უვითარდება.